شيــ ء منّيـــ
Posted by Haythoo - Admin on 22nd May 2006
أنااا الحرة للأبد صايرة كسلانة
قلت ما بدش إلا عقب الامتحانات وعقب ما يفضى مخي
Think Again 
امممممم عندي سبيس اليوم
والموووووووود الله عليــه من عقب امتحان المحاسبة… كان تافه لأقصى درجة
وما يستاهل التعب الي تعبناه آنه والStudy group كالعادة الريم وقصيد الجررح
ما بجذب سولفنا صح واستانسنا صح ههههههههه بس بعد الدراسة تتعب الواحد ذهنياً
امممممممممم أول خبر.. حق بعض الناس لا تطوفهم المجلة هـ الاسبوع <<< قصوا علي بنشتريها وما جفنا شي
بديت أنشر خواطر.. يعني جريدة لا يمكن الافصاح عن اسمها نشرت لي مرة وانه رديت طرشت لهم بعد
لأني في أول مرة طرشت لهم شي طرشته صدفة و طنازة وضحك
وما كنت مصدقة إنهم بينشرونها لي هههههههههههههههه
لين "غيمة وفا" زفتني لأني ما قلت لها إني طرشت شي جان أقول لها " ها.. متى وشلون ؟!! 
"
هههههههههههه الصدفة ان الخاطرة نشروها تاريخ 15/4
وانه جفتها جريب من تاريخ 15/5 يعني مدمغة درجة أولى ههههههههههههههههههه
بس عـ العموم هالشي عطاني ثقة أكبر في نفسي وفي إمكانياتي وإني ماحبس روحي في النت… ولازم أجرب حظي..
طبعاً ما يمكن يمر هالشي مرور الكرام بدون ما حجرة العربي تدري والسبب آنه والمجلات الي أدور فيهم ههههههههههههههه
بس شي حلو إني أجوف انهم فرحانين عشاني وجذي
لدرجة آخر تعليق سمعته من وحدة من الشلة…
تقول لي " قاعدين تسولفين مع ربعج " هههههههههههههه تقصد معلمات العربي
على طاري الحظ !!
اممممم آخر موعد حق تقديم الطلبات لبعثة ولي العهد تاريخ 1/7
http://www.cpisp.bh وهذا الموقع الرسمي للي حاب يتعرف أكثر على هالبرنامج..
وإذا تعرفون أي أحد في ثاني ثنوي ومجموعه فوق ال95 ولغته الانجليزية قوية شوي خبروه عن هالحجي
الفورمة من الموقع نفسه ينزلها ويمليها ويوديها …
يوم الي كان المحاضرة كنت متحمسة لي آخر درجة..
ألحين خايفة، متمللة، مكتئبة… حاسة إن هالخطوة Useless وإنها يمكن تضرني.. لأن في حالة إفترضنا إني ما صرت ضمن المرشحين الستين على الأقل بحس روحي فاشلة..
ربعي مشجعيني ويقولون لي What ever happened there إن بكون خذيت خطوة… وبكون شي ينضاف حق روحي إني وثقت في لغتي وإمكانياتي حدّ إني تقدمت لبرنامج بهالصعوبة وهالضخامة..
Any Way
الموضوع يبي له وقت شوي يعني علما تطلع نتيجتي وأروح آخذ الشهادة بالانجليزي من جهاز الامتحانات وشغلة وأكتب الموضوع Essay المطلوب ويا طلب التقديم…
مب متحمسة.. إممممممم في نفس الوقت قاعدة أجوف إن كل شي في حياتي ألحين يبتدي بطنازة… يبتدي بjoke ، يبتدي بـ Tacking a lifetime chance وينقلب بعدها صج
لازم أتعلم أثق في روحي أكثر…لأن بالصدفة تعلمت شي… ( إذا كان عندك 1% موهبة.. و100% ثقة بالنفس، إنته تقدر اتسوي كل شي !! )
فرصة ما راح تتكرر… ولو فرضاً ما دخلت بين المرشحين الستين… هالشي بيعلمني إني ما خسرت شي.. وكنت شجاعة بحيث إني خذيت خطوة نحو الشي الي أبيه لكنه مب مكتوب لي و " عسى أن تكرهوا شيئاً وهو خير لكم"
الإمتحانات
على خير ما يرام ههههههههههههه
امممممممم… متعبني هالفصل… نفسياً وجسدياً.. أدرس مثل كل الفصول صح.. بس ما أنام لحد يضحك ويقول أكيد شاطرة ما تنام خوف من الامتحانات… لا لا لا السالفة مب جذي.. مادري شنو الي مسوي لي أرق..
أروح غرفتي عن يازعم اني برقد الساعة 12 أو 12 ونص وفي أسوأ الأحوال الساعة وحدة.. بس ما أنام إلا جريب أذان الصبح فيقعدوني عشان صلاة الصبح أقوم أصلي وبعدها انام عدل بس جم يعني؟؟ ههههههههههه فما أقدر أرد أقوم..
وإذا تميت على هالحالة بستخف… لأن إمتحاناتي الباقين لي كلهم الفترة الأولى !!!
يعني مو راقدة طول الليل.. وأروح المدرسة وخذي على أسئلة وضروري أجامل الكل .. مو كفاية سالفة مغرورة.. مو قاصرني سالفة شاطرة وما تعلم أحد وما تعطي أحد ويه..!!
Beleive it or Not
ساعات أحس إني بالمدرسة ملكـ عام !! الكل يعرف اسمي خصوصا عقب حفلة التفوق.. فمعناها من حق الكل إنه يطلب إني أشرح شي.. أو اجاوب أسئلة أو إني أكون nice ويا ويلي ويا سواد ليلي من الحجي الي ينقال عني إذا قلت إني أصلاً مب فاهمة أو إني مشغولة أو إذا فرضاً حسيت بلهجة سخرية من وحدة حقيرة وإهي تسلّم علي وأنه من طبعي الحقران حق هالأشكال فما أرد عليها
افففففف… والله شي يقهر
حاولت مليون مرة أفهم الأوادم إن مو معناها إن نسبتي عالية إني ذكية فوق العادة او أفتهم كل شي… ربعي بس الي يدرون إني نص الحصص طالعة عشان أنشطة و خرابيط وربع الحصص راقدة وياهم هههههه شبقى من المقرر ؟ يعني يكفيني إني وايد دروس أقدمها بدراسة ذاتية.. يا عالم ماقدر أشرح شي أنا أصلاً يادوبي أفسره حق روحي !!!
لا وأيام امتحانات بعد… يوم أكون فيه ماشتهي عمري !!
What Ever!
العطلة جريبة والربع يازعم ناوين يسوون برنامج ههههههه بس ليحين مو مقررين شي
نبي شي امممممممممم حق ترفيه في بنات عمرنا قلت لهم خرابيط كمبيوتر مب رايحة ولا تحاولون… أحس إن ما فيه أنشطة وايد موجهة حقنا… يقولون لي بننطر لي شهر 6 إذا نزلوا المعاهد برامجهم وأنا أقول يعني المعاهد الي توصلنا أخبارها شنو عندهم ؟!!! كمبيوتر ، لغات اجنبية أنجليزي أو فرنسي، سباحة، سبورت
Nothing intersting !!
صج ما فيه شي يمضّي وقت الواحد… أشيا كلها لايعة جبدنا منها… امممممم انفكر آنه وقصيد الجرح في مركز سلمان الثقافي وإهي قالت بتسأل وحدة تعرفها تشتغل هناكـ
Please إذا أحد يعرف أي برنامج غير هالبرامج المتكررة يخبّرني عنه ضروري..
خصوصاً إن برنامجي هالصيف ولا شي … ما بنسافر لأن اولاً أبوي ما بياخذ عطلته في الصيف <<< سوالف البنوك ههههههههههه
واختي هالصيف بتتدرب سياقة وبتسجل في الجامعة..
So I’m Stuck here this summer
وايد هذرت صح…؟ 
take care
الحرة للأبد..
Posted in My DiarieS | 5 Comments »
